കഴക്കൂട്ടം മെഗാ ജോബ് ഫെസ്റ്റ് ഡിസംബർ 15 ന്

കഴക്കൂട്ടം ജോബ് ഫെസ്റ്റിന്റെ നാലാമത് എഡിഷൻ ഡിസംബർ 15നു കഴക്കൂട്ടം അൽസാജ് കൺവെൻഷൻ സെന്ററിൽ നടക്കും. ജോബ് ഫെസ്റ്റിൽ നൂറിലധികം കമ്പനികളും രണ്ടായിരത്തിലധികം തൊഴിലന്വേഷകരും പങ്കെടുക്കും. ടെക്‌നോപാർക്ക്, കിൻഫ്ര, അസാപ് കേരള, കേരള നോളഡ്ജ് ഇക്കോണമി മിഷൻ, കേരള സ്റ്റാർട്ടപ് മിഷൻ, ജില്ലാ എംപ്ലോയ്‌മെന്റ് ഓഫീസ് തുടങ്ങിയ സ്ഥാപനങ്ങളുടെ നേതൃത്വത്തിലാണ് ജോബ് ഫെസ്റ്റ് നടക്കുന്നത്. കഴക്കൂട്ടം ജോബ് ഫെസ്റ്റിന്റെ ആദ്യ മൂന്ന് എഡിഷനുകളിലായി ആയിരത്തിലധികം പേർക്കാണ് ജോലി ലഭിച്ചത്. എല്ലാ തവണയും നൂറിലധികം കമ്പനികളും പങ്കെടുത്തിട്ടുണ്ട്.
എട്ടാം ക്ലാസു മുതൽ ബിരുദാനന്തര ബിരുദമുള്ളവർക്ക് വരെ ജോബ് ഫെസ്റ്റിൽ പങ്കെടുക്കാം.താത്പര്യമുള്ള ഉദ്യോഗാർത്ഥികൾ ഡിസംബർ 13-നകം ഓണ്‍ലൈനായി രജിസ്റ്റര്‍ ചെയ്യേണ്ടതാണ്. അസാപ് കേരള വെബ് സൈറ്റ് മുഖേനയും (https://asapkerala.gov.in/kazhakootam-job-fest-2023/) എന്ന ലിങ്ക് മുഖേനയും കേരളാ നോളെജ് ഇക്കോണമി മിഷന്റെ DWMS പോർട്ടലിൽ (https://knowledgemission.kerala.gov.in/) രജിസ്റ്റർ ചെയ്ത്,100% പ്രൊഫൈലിങ് പൂർത്തീകരിച്ച ശേഷം കഴക്കൂട്ടം ജോബ് ഫെയറിലേക്ക് അപ്ലൈ ചെയ്യാവുന്നതാണ്.