ബെംഗളുരുവിൽ 2 മലയാളി യുവാക്കൾ അപകടത്തിൽ മരിച്ചു

At Malayalam
1 Min Read

ബെംഗളൂരു ബന്നാർഘട്ടയിലുണ്ടായ വാഹനാപകടത്തിൽ രണ്ടു മലയാളി യുവാക്കൾ മരിച്ചതായി വിവരം. മലപ്പുറം നിലമ്പൂർ സ്വദേശി അർഷ് പി ബഷീർ (23 ), കൊല്ലം സ്വദേശി മുഹമ്മദ്‌ ഷാഹൂബ് (28) എന്നിവരാണ് അപകടത്തിൽ മരിച്ചത്. മരിച്ച അർഷ് പി ബഷീർ നിലമ്പൂർ നഗരസഭ വൈസ് ചെയർമാൻ പി എം ബഷീറിൻ്റെ മകനാണ്. അർഷ് പി ബഷീർ എം ബി എ വിദ്യാർത്ഥിയും മുഹമ്മദ് ഷാഹൂബ് ബെംഗളൂരുവിൽ ജോലി ചെയ്യുകയുമായിരുന്നു.

ഇന്നലെ രാത്രി 11മണിയോടെ ആയിരുന്നു അപകടമുണ്ടായത്. ഇവർ സഞ്ചരിച്ച കാർ നിയന്ത്രണം വിട്ട് മരത്തിൽ ഇടിക്കുകയായിരുന്നു എന്നാണ് വിവരം. ഇടിയുടെ ആഘാതത്തിൽ കാറിൻ്റെ മുൻവശം പൂർണ്ണമായും തകർന്നു പോയി. രണ്ടു പേരും സംഭവ സ്ഥലത്തുവെച്ചു തന്നെ മരിച്ചു. മറ്റു രണ്ടു പേർക്ക് പരിക്കേൽക്കുകയും ചെയ്തു. ഇവരെ ആശുപത്രിലേക്ക് മാറ്റിയിട്ടുണ്ട്. ബംഗളുരു ആശുപത്രിയിൽ സൂക്ഷിച്ചിരിക്കുന്ന മൃതദേഹങ്ങൾ പോസ്റ്റുമോർട്ടത്തിനു ശേഷം കുടുംബത്തിനു വിട്ടുനൽകുമെന്ന് ബംഗളുരു പൊലിസ് അറിയിച്ചു.

Share This Article
Leave a comment