കോഴിക്കോട് ബസ് സ്റ്റാൻഡിന് സമീപമുള്ള ഹോട്ടലിൽ കെഎസ്ആർടിസി കണ്ടക്ടറെ തൂങ്ങിമരിച്ച നിലയിൽ കണ്ടെത്തി. കൂരാച്ചുണ്ട് സ്വദേശി അനീഷാണ് മരിച്ചത്. ഇന്നലെ മുതൽ ഇയാളെ കാണാനില്ലെന്ന് കാണിച്ച് ബന്ധുക്കൾ കൂരാച്ചുണ്ട് പൊലീസിൽ പരാതി നൽകിയിരുന്നു. തുടർന്ന് മൊബൈൽ ലൊക്കേഷൻ കേന്ദ്രീകരിച്ചാണ് അനീഷ് ഹോട്ടലിലുണ്ടെന്ന് കണ്ടെത്തിയത്.
ഇന്ന് രാവിലെ ഒൻപത് മണിയോടെ കസബ പൊലീസ് ഹോട്ടലിൽ എത്തി മുറി പരിശോധിച്ചപ്പോളാണ് ഇയാളെ തൂങ്ങി മരിച്ച നിലയിൽ കണ്ടെത്തിയത്. കഴിഞ്ഞ മാസമാണ് ഇയാളെ തൊട്ടിൽ പാലം ഡിപ്പോയിൽ നിന്നും കാസർഗോട്ടേക്ക് സ്ഥലം മാറ്റിയത്. തുടർന്ന് ജോയിൻ ചെയ്‌ത്‌ രണ്ടു ദിവസം ജോലിയിൽ കയറിയെങ്കിലും പിന്നീട് കോഴിക്കോടേക്ക് തിരിച്ചു വരികയായിരുന്നു. സംഭവത്തിൽ ആസ്വഭാവിക മരണത്തിന് കസബ പൊലീസ് കേസെടുത്തു.