ചേലക്കര നിയമസഭ മണ്ഡലത്തില്‍ നിന്നും ഉപതെരഞ്ഞെടുപ്പിൽ വിജയിച്ച സി പി എം അംഗം യു ആര്‍ പ്രദീപ്, പാലക്കാട് നിന്നുള്ള കോൺഗ്രസ് അംഗം രാഹുൽ മാങ്കൂട്ടത്തിൽ എന്നിവര്‍ നിയമസഭാംഗങ്ങളായി സത്യപ്രതിജ്ഞ ചെയ്തു. യു ആര്‍ പ്രദീപ് ആണ് ആദ്യം സത്യപ്രതിജ്ഞ ചെയ്തത്. സഗൗരവമാണ് അദ്ദേഹം സത്യപ്രതിജ്ഞ ചെയ്തത്. യു ആർ പ്രദീപ്
രണ്ടാം തവണയാണ് നിയമസഭാംഗമാകുന്നത്.
പിന്നാലെ രാഹുൽ മാങ്കൂട്ടത്തിൽ സത്യപ്രതിജ്ഞ ചെയ്തു. ദൈവനാമത്തിലായിരുന്നു രാഹുലിന്‍റെ സത്യപ്രതിജ്ഞ. ആദ്യമായാണാണ് രാഹുൽ നിയമസഭാംഗമാകുന്നത്. നിയമസഭ ഹാളിൽ നടന്ന ലളിതമായ ചടങ്ങിലായിരുന്നു സത്യപ്രതിജ്ഞ നടന്നത്. നിയമസഭ സ്പീക്കര്‍ എ എൻ ഷംസീര്‍ സത്യവാചകം ചൊല്ലികൊടുത്തു. മുഖ്യമന്ത്രിയും പ്രതിപക്ഷ നേതാവും മന്ത്രിമാരും അടക്കമുള്ള നേതാക്കള്‍ ചടങ്ങിൽ സംബന്ധിച്ചു.