കരിവെള്ളൂരിൽ വനിതാ സിവില്‍ പൊലീസ് ഓഫീസറെ ഭര്‍ത്താവ് പെട്രോളൊഴിച്ച് തീ കൊളുത്തിയ ശേഷം വെട്ടിക്കൊന്നു. ചന്തേര പൊലീസ് സ്‌റ്റേഷനിലെ സിവില്‍ പൊലീസ് ഓഫീസര്‍ കരിവെള്ളൂര്‍ പലിയേരിയിലെ ദിവ്യശ്രീയാണ് കൊല്ലപ്പെട്ടത്.
ഭര്‍ത്താവ് രാജേഷ് ഇന്നലെ വൈകുന്നേരം 6 മണിയോടെയാണ് വീട്ടിലെത്തി കൊലപാതകം നടത്തിയത്. സംഭവത്തെ തുടർന്ന് പരിക്കേറ്റ ദിവ്യശ്രീയുടെ പിതാവ് വാസുവിനെ കണ്ണൂര്‍ ബി എം എച്ച് ആശുപത്രിയില്‍ പ്രവേശിപ്പിച്ചിരിക്കുകയാണ്.
കുറച്ചു നാളുകളായി രാജേഷും ദിവ്യശ്രീയും അകല്‍ച്ചയിലായിരുന്നു. കൊലപാതകം നടത്തിയശേഷം ഓടിരക്ഷപ്പെട്ട ഭര്‍ത്താവ് രാജേഷിനായി പൊലിസ് വ്യാപകമായ തെരച്ചില്‍ നടത്തി രാത്രി തന്നെ പിടി കൂടുകയും ചെയ്തു.