പേരാമ്പ്രയിൽ യുവതി മരിച്ച സംഭവം കൊലപാതകമെന്ന് പൊലീസ് .വാളൂർ കുറുങ്കുടി മീത്തര അനുവാണ് മരിച്ചത്. കഴിഞ്ഞ ചൊവ്വാഴ്‌ച രാവിലെ കോട്ടൂർ താഴെ തോട്ടിലാണ് അനുവിനെ മരിച്ച നിലയിൽ കണ്ടെത്തിയത്. തിങ്കളാഴ്ച രാവിലെ സ്വന്തം വീട്ടിൽനിന്നു തിരികെ ഭർത്താവിന്റെ വീട്ടിലേക്കു വരുമ്പോഴാണ് അനുവിനെ കാണാതായത്. രണ്ടുകിലോമീറ്ററോളം ദൂരമാണ് വീടുകൾ തമ്മിലുള്ളത്.
അനു ഒരു ബൈക്കിൽ കയറിയതായി നാട്ടുകാരിൽ ചിലർ കണ്ടിരുന്നു. ലിഫ്റ്റ് ചോദിച്ചു യുവതി ബൈക്കിൽ കയറിയെന്നാണു സൂചന.ബൈക്ക് കേന്ദ്രീകരിച്ചുള്ള അന്വേഷണം പൊലീസ് നടത്തുകയാണ്. ബൈക്കിൽ സഞ്ചരിച്ച ആൾ മോഷ്‌ടാവാണെന്നാണ് പൊലീസിന്റെ നിഗമനം.