തിരുവനന്തപുരം-കാസർകോട് വന്ദേഭാരത് എക്സ്പ്രസിൽ വാതകചോർച്ച. കളമശേരി- ആലുവ സ്റ്റേഷന് ഇടയിൽ വച്ചാണ് സംഭവം. സി5 കോച്ചിൽനിന്ന് പുക ഉയരുന്നത് ശ്രദ്ധയിൽപ്പെട്ടതിനെ തുടർന്ന് ട്രെയിൻ ആലുവയിൽ നിർത്തി. സി5 ബോഗിയിലെ യാത്രക്കാരെ മറ്റൊരു ബോഗിയിലേക്ക് മാറ്റി. ആർക്കും ആരോഗ്യപ്രശ്‌നങ്ങൾ ഉണ്ടായിട്ടില്ലെന്ന് യാത്രക്കാർ അറിയിച്ചു. എസിയിൽ നിന്നും വാതകചോർച്ച ഉണ്ടായതെന്നാണ് പ്രാഥമിക നിഗമനം. അധികൃതരെത്തി പരിശോധന നടത്തി. പ്രശ്നം പരിഹരിച്ചശേഷം ട്രെയിൻ ആലുവയിൽനിന്ന് പുറപ്പെട്ടു.
